" माझ्या मनातलं "

"  माय  व्हॅलेंटाइन ♡" प्रेम व्यक्त करण्यासाठी फक्त एक दिवस नसावा, प्रिय व्यक्ती सोबतचा प्रत्येक क्षण खास असावा... स्पेशल आहेस सांगण्यासाठी व्हॅलेंटाइनवीक चा बहाणा नसावा, तो रिस्पेक्ट नेहमीच एकमेकांच्या नजरेत दिसावा... गिफ्ट देऊन किंवा डे साजरे करुन प्रेम व्यक्त होत हा हट्ट नसावा, रोज थोडा वेळ एकमेकांना देताना तो आनंद दिसावा...                                      प्रियांका खरात✍️

" माझं बाळ " उसने का होईना मला बाळ झाले, जेव्हा माझ्या बहिणीच्या पोटी बाळ कृष्ण आले, जरी असले रुप त्याचे सावळे, तरी तो करी सर्वाना बावळे.. 'मम्मा' असे उच्चार जेव्हा त्याच्या मुखी  माझ्यासाठी आले, मग काय तिथेच मी फसले, पण ना जाने का या गोड आठवणीत कित्येकदा हसले.. असला जरी लहान तरी कधी वाटे याच्यामध्ये शहाणपण कुठून आले, तु वागशील ना शहाण्या सारखा..उगीच हे विचार मनी आले, मुलं मोठी होऊन जे वागतात ते संस्कार ठरवते की संगत हे अजून कोणाच्या ध्यानी नाही आले, पण एक सांगते जेव्हा साकेतचा जन्म झाला तेव्हा गोंडस निरागस बाळ जन्माला आले, उसने का होईना मला बाळ झाले, जेव्हा माझ्या बहिणीच्या पोटी बाळ कृष्ण आले, मी मम्मा झाले.....                                     प्रियांका खरात✍️           

   " वेड " समोरच्या व्यक्तीकडून कोणतीच अपेक्षा न ठेवता जीव लावणं म्हणजे वेड.... त्या व्यक्तीच्या आनंदात आनंद मानणं म्हणजे ते वेड.... तो कितीही भांडला तरी त्याला समजून घेणं म्हणजे वेड.... प्रत्येक क्षणात त्याचा सहवास असणं म्हणजे वेड.... एकमेकांमध्ये हरवून जाणं म्हणजे वेड.... नुसते वेड नाही प्रेमाचे वेड आणि ते फक्त तुझ्यासाठीच आहे.....♡                         प्रियांका खरात✍️

"असावं कोणीतरी..." वाटतं कधी कधी असावं कोणीतरी, मला समजून घेणारं, मी आहे तसं मला स्वीकारणारं, माझ्या हसण्याचं कारण बनणारं, तर कधी माझा राग घालवणारं मला मनवणारं...... आयुष्याच्या वाटेवर एखाद्या वळणावर भेटेल का कोणी मला साथ देणारं....? खुप दूरवर आहे प्रवास असेल का कोणी माझी सोबत करणारं....? खरंच वाटतं कधी कधी असावं कोणीतरी मला समजून घेणारं.....                                   प्रियांका खरात ✍️

"नवी सुरुवात...?? " संपलय सगळं की, नवी सुरुवात म्हणू..? रडू थोडसं की, चेहर्‍यावर थोडं हसू आणू..? परके वाटतात सगळे, आता कोणाला आपलं म्हणू..? जीवन कठीण वाटतयं, जसे जगणे माहीतच नाही जणू..? होईल एक दिवस मनासारखे, हे सुध्दा एक गोड स्वप्न म्हणू..? संपलय सगळं की, नवी सुरुवात म्हणू..?                                 प्रियांका खरात✍️

    तू....♡    कधी स्वप्न तू....    कधी आस तू....    तर कधी मनाचा ध्यास तू....     कधी आठवण तू....     कधी गोड क्षणांची साठवण तू....     तर कधी दुःखाची पाठवण तू....                 कधी साथ तू....      कधी अडचणीत धरलेला हाथ तू....      तर कधी मनातील खून गाठं तू....                  कधी विसावा तू....      कधी हवासा तू....      तर कधी नवासा तू...      पण फक्त तू....                                     प्रियांका खरात ✍️